OPEK+ elderi munaı óndirýdi 2026 jylǵa deıin qysqartýǵa kelisti

ASTANA. KAZINFORM - Birlesken Mınıstrlik monıtorıng komıtetiniń 57-shi otyrysy jáne OPEK+ elderi mınıstrleriniń 38-shi kezdesýi ótti. Bul týraly Egergetıka mınıstrligi habarlady.

Atalǵan jıynǵa Qazaqstannan Energetıka vıtse-mınıstri Álibek Jamaýov qatysty.

— Otyrysqa qatysýshylar kelisim negizderine beıildiligin rastady jáne OPEK-ke qatysýshy elder men OPEK-ke kirmeıtin elder úshin munaı óndirýdiń jalpy deńgeıin OPEK+ 35-shi mınıstrlik kezdesýinde qabyldanǵan sheshimderge sáıkes 2026 jylǵy 31 jeltoqsanǵa deıin uzartýǵa kelisti, — delingen mınıstrlik habarlamasynda.

Buǵan deıin habarlaǵanymyzdaı Qazaqstan qazan aıynda OPEK+ kelisimi aıasyndaǵy mindettemelerin oryndady.

Sondaı-aq OPEK+ segiz múshesi munaı óndirýdi erikti túrde qysqartý merzimin bir aıǵa uzartty.