OPEK+ elderi qazandaǵy munaı óndirý kólemin ózgerissiz qaldyrdy
ASTANA. KAZINFORM — Qazaqstan jáne OPEK+-ke múshe taǵy alty el 2026 jylǵy qazanda munaı óndirý kólemin qyrkúıek aıyna belgilengen deńgeıde saqtaý týraly kelisimge keldi, dep uıymnyń saıty jazdy.
6 qyrkúıekte ótken onlaın kezdesýge Saýd Arabııasy, Reseı, Irak, Kýveıt, Qazaqstan, Aljır jáne Oman ókilderi qatysty.
Kezdesýde álemdik munaı naryǵyndaǵy qazirgi jaǵdaı men onyń damý perspektıvalary talqylandy.
Kezdesý qorytyndysy boıynsha qatysýshy elder 2026 jylǵy qazanda munaı óndirý kólemin qyrkúıek aıyna belgilengen deńgeıde saqtaý týraly sheshim qabyldady.
Sonymen qatar memleketter Yntymaqtastyq týraly deklaratsııa talaptaryn tolyq oryndaýǵa ortaq mindettemelerin rastady.
OPEK+ elderi naryqtaǵy jaǵdaıdy baǵalaý úshin aı saıyn kezdesýler ótkizýdi jalǵastyrady. Kelesi otyrys 2026 jylǵy 4 qazanǵa josparlanǵan.
