OPEK+ elderi qarashada munaı óndirisiniń qazirgi deńgeıin saqtaýǵa kelisti
ASTANA. KAZINFORM — OPEK+ elderi 2026 jyldyń munaı óndirisiniń qazirgi deńgeıin qarasha aıynda da saqtaýǵa kelisti. Saýd Arabııasy, Reseı, Irak, Kýveıt, Qazaqstan, Aljır jáne Oman ókilderiniń onlaın kezdesýinen keıin osyndaı sheshim qabyldandy, dep habarlaıdy Kazinform opec.org saıtyna silteme jasap.
Sheshimge sáıkes, 2026 jyldyń qyrkúıegine belgilengen mindetti óndiris deńgeıi qarasha aıynda da saqtalady. ıAǵnı odaq eki aı boıy óndiris kólemin ulǵaıtpaıdy.
Kezdesýge qatysýshylar yntymaqtastyq týraly kelisimdi ustanatynyn rastap, álemdik munaı naryǵyn odan ári baqylaýǵa nıetti ekenin bildirgen.
OPEK+ uıymyna múshe jeti eldiń kelesi kezdesýi 2026 jyldyń 1 qarashasynda ótýi tıis.
Buǵan deıin «Úlken jetilik» (G7) elderi álemdik energetıka naryǵyn turaqtandyrý maqsatynda strategııalyq qorlaryndaǵy 100 mıllıon barrel munaı men munaı ónimderin birlesip naryqqa shyǵarýǵa kelisken bolatyn. Munaı men munaı ónimderin jetkizý jaqyn arada bastalyp, 4 aıǵa sozylady.
Saýd Arabııasy Ormýz buǵazyn aınalyp ótetin «Shyǵys–Batys» munaı qubyry arqyly munaı tasymaldaýdy qaıta bastady.
