OPEK basshysy munaı óndirýdi shekteý merzimin uzartýdy talqylaýdan bas tartty

ASTANA. QazAqparat - OPEK uıymyna kiretin munaı óndirýshi memleketter men kartelge enbeıtin memleketter arasynda bekitilgen munaı óndirisin shekteý kelisimin uzartý týraly aıtýǵa áli erte.

Bul týraly OPEK uıymynyń bas hatshysy Mohammed Barkındo málimdedi, dep habarlady RIA Novostı.

«Ázirge bul týraly aıtýǵa erte. Mamyr aıynda kezdeskende barlyq málimetterdi qarap, qol jetkizgen jetistikterimizdi kóre alamyz», - dedi ol AQSh-ta Hıýston qalasynda ótip jatqan CERAWeek energetıkalyq konferentsııasynda.

Munaı óndirisine shekteý engizý týraly kelisim 2017 jyly 1 qańtarda  kúshine endi. Kelisim jarty jyl boıy óz kúshinde bolady jáne qajet bolǵan jaǵdaıda uzartylýy múmkin.