OPEK basshysy arzan munaıdyń ýaqyty ótkenin aıtty

ASTANA. QazAqparat - Munaı eksporttaýshy elderdiń uıymy OPEK-tiń bas hatshysy Muhammed Barkındo arzan munaıdyń zamany aıaqtalyp qaldy degen pikirde.

Onyń oıynsha, osy ýaqyt aralyǵynda álemniń munaı óndirýshi memleketteriniń barlyǵy atalmysh otyn túrine degen baǵanyń áseri tek jaǵymsyz bolatyndyǵyna kóz jetkizip boldy.

«Sondyqtan arzan baǵanyń ýaqyty aıaqtalýǵa taıaý. Biz sońǵy 60 jylda munaıǵa degen baǵanyń tómendigi jaǵdaıdy tek kúrdelendirip jibergendiginiń kýási bolyp otyrmyz. Bul jaǵdaı áli de jalǵasýda. Degenmen ol sońyna taıap qaldy»,-deıdi Barkındo.

Aıta keteıik, 28 qyrkúıek kúni OPEK uıymyna múshe memleketter munaı óndirý kólemin táýligine 32,5-33 mln barrel mólsherinde qaldyrý týraly kelisimge keldi. Sonyń nátıjesinde Brent markili munaıdyń baǵasy 46,5 dollardan 48,5 dollarǵa deıin ósti, dep jazady korrespondent.net.