OPEK basshysy Qazaqstanǵa keledi

ASTANA.KAZINFORM - Astanada ótetin forýmǵa OPEK bas hatshysy Haıtam ál-Gaıs qatysady, dep habarlaıdy Kazinform. 

— OPEK bas hatshysy Haıtam ál-Gaıs 2025 jyldyń 2-4 qazany aralyǵynda Astanada ótetin Qazaqstandyq energetıka aptalyǵy–2025 / XVI KAZENERGY Eýrazııalyq forýmyna qatysatynyn rastady, — dep habarlaıdy Kazenergy.

Forýmda salanyń negizgi trendteri, aǵymdaǵy syn-qaterler men damý perspektıvalary talqylanady.

— Men osy bedeldi sharaǵa óz úlesimdi qosyp, plenarlyq otyrysqa qatysýǵa qýanyshtymyn, — dedi Haıtam ál-Gaıs.

Buǵan deıin Qazaqstannyń OPEK+ kelisimi boıynsha óz mindettemelerine berik ekeni jáne alıanstan shyǵý múmkindigin qarastyrmaıtyny habarlanǵan bolatyn. ‎