OPEK álem boıynsha munaıǵa degen suranysqa qatysty boljamdy ózgerissiz qaldyrdy
ASTANA. KAZINFORM – Munaı eksporttaýshy elder uıymy (OPEK) sársenbi kúni 2025-2026 jyldardy qamtıtyn álem elderiniń munaıǵa degen suranysyna qatysty boljamdy ózgerissiz qaldyrdy, dep habarlaıdy Sınhýa.
OPEK uıymynyń munaı naryǵy boıynsha aı saıynǵy esebinde 2025 jyly munaıǵa degen suranys táýligine 1,3 mln barrel bolady dep kórsetilgen. 2026 jylǵy kórsetkish te shamamen osy mejege saı bolady.
-2025 jyly dúnıejúzi boıynsha munaıǵa degen suranys ortasha alǵanda táýligine 105 mln barrel bolady. Bul Ekonomıkalyq yntymaqtastyq jáne damý uıymyna kirmeıtin elderde áýe kóligine degen suranystyń joǵary, avtotasymaldaý salasynyń talapqa saı bolýyn qamtamasyz etip, ónerkásip, qurylys, aýyl sharýashylyǵy salalarynyń belsendi júrine yqpal etedi,-dep habarlady OPEK.
Uıym sarapshylary Ekonomıkalyq yntymaqtastyq jáne damý uıymyna kirmeıtin elderdegi óndiris qýattarynyń artýy, munaıhımııa salasynyń tıimdi bolýy munaıǵa degen suranysty arttyratynyn aıtady.
Osyǵan deıin Qazaqstanda munaı óńdeý kólemi 10,8 paıyzǵa artqanyn habarladyq.