OPEK: 2035 jyly munaı álem ekonomıkasynyń bas energoresýrsy mártebesinen aıyrylady
ASTANA. QazAqparat - 2035 jyly munaı álemdik ekonomıkanyń bas energetıkalyq resýrsy bolmaıdy. Mundaı boljamdy energonaryqtyń perspektıvalary týraly baıandamasynda Munaıdy eksporttaýshy uıym (OPEK) málimdedi.
Sarapshylar 2035 jyly munaı álemdik ekonomıkanyń negizgi resýrsy mártebesinen aıyrylady dep sanaıdy, shıkizat jetkizý táýligine 95,4 mln barreldi quraıdy - bul álem naryǵynyń 27,8 paıyzy. 2035 jylǵy naryqtyń 28,4 paıyzy kómirdiń enshisinde - munaı balamasynyń 100 mln. barreli.
Baıandamaǵa sáıkes munaı baǵasyna keler bolsaq, OPEK-tiń munaı sebeti barreliniń quny 2025 jyly nomınaldyq baǵalyq mánde barreline 124 dollarǵa, 2040 jyly 177 dollarǵa jetedi. Bul rette shynaıy mánde (ótken jyldyń baǵasy) OPEK-tiń munaı sebeti barreliniń quny 2035 jyly barreline 100 dollar deńgeıinde saqtalady, al 2040 jyly barreline 102 dollar bolmaq.
Búgingi tańdaǵy munaıǵa baǵanyń tómendeýine qatysty jaǵdaıdy aıta kele, OPEK bas hatshysy Abdalla Salem al-Badrı uıym munaı baǵasy kúrt tómendegenimen uıymnyń asa alańdamaıtynyn málimdedi.
Bul rette al-Badrıdiń aıtýynsha, OPEK 2015 jyldyń ekinshi jartysynda munaı baǵasy birden kóterilýi múmkindigin joqqa shyǵarmaıdy.
