OPEK: 2026 jyly munaıǵa álemdik suranys táýligine 1,4 mln barrelge artady

ASTANA. KAZINFORM – 2026 jyly munaıǵa álemdik suranys táýligine 1,4 mln barrelge artady dep boljanýda. Bul ótken boljammen salystyrǵanda 100 myń barrelge kóp.

OPEK-tiń munaı naryǵyna qatysty aı saıynǵy esebinde 2026 jylǵa arnalǵan boljam ekonomıkalyq kórsetkishterdiń Amerıka men Eýropadaǵy (EYDU elderi), sondaı-aq Taıaý Shyǵys pen Afrıkadaǵy oń serpinine baılanysty qaıta qaralǵany aıtylǵan.

Eń úlken túzetýler AQSh-qa qatysty jasaldy: boljam boıynsha, kelesi jyly bul elde slanetsti munaı óndirý kólemi táýligine 100 myń barrelge qysqarady. Bul - aldyńǵy turaqty óndiris deńgeıi jónindegi baǵalaýmen salystyrǵanda aıtarlyqtaı ózgeris.

Al 2025 jylǵa arnalǵan boljam ózgerissiz qaldy, munaıǵa álemdik suranys táýligine 1,3 mln barrelge ósedi dep kútiledi.

Eske sala ketsek, buǵan deıin OPEK+ quramyndaǵy segiz el qyrkúıek aıynda munaı óndirý kólemin arttyrýǵa kelisken bolatyn.