Opat bolǵan ushqyshtyń otbasyna Astanadan páter berildi
«Biz endi jaýynger dosymyzdy, jaısań komandırimizdi, tájirıbeli ushqyshty, úlgili otaǵasyn qaıtaryp ala almaımyz, biraq onyń jarqyn beınesin eshqashan esimizden shyǵarmaımyz», - dedi QR QK Áýe qorǵanysy kúshteriniń bas qolbasshysy avıatsııa general-maıory Nurlan Ormanbetov.
Qaıtys bolǵan ofıtserdiń jary, týǵan týystary Qazaqstan armııasynyń basshylyǵyna qoldaý kórsetip, kóńil bildirgenderine rızashylyqtaryn bildirdi.
2013 jylǵy 23 sáýirde josparǵa sáıkes ushý-jattyǵýlary kezinde saǵat 22.40-ta Qaraǵandy oblysy Shet aýdany Prostornoe aýylyna jaqyn jerde MıG-31 ushaǵy apatqa ushyrady. Ekıpaj parashıýtpen sekirip úlgerdi, ókinishke oraı ekıpaj komandıri polkovnık Edigeev Marat Orazuly qaıtys bolyp, shtýrman maıor Galımzıanov Rýslan Raıfuly orta deńgeıdegi jaraqatpen gospıtalǵa túskendigin eske salamyz.
Áskerı qyzmetin atqarý barysynda erlik pen tabandylyq tanytqany úshin Qazaqstan Respýblıkasy Prezıdentiniń Jarlyǵymen polkovnık Marat Edigeev qaıtys bolǵannan keıin І dárejeli «Aıbyn» ordenimen marapattaldy.