Ońtústiktegi jer silkinisi: mamandar asa qaýipti ýchaskelerge tekserý júrgizdi

ASTANA. KAZINFORM — Tótenshe jaǵdaılar vıtse-mınıstri Batyrbek Ábdishevtiń tóraǵalyǵymen jedel shtabtyń keńesi ótti.

TJM Komandalyq ortalyǵynda jer silkinisinen keıingi is-qımyldardy úılestirý jónindegi memlekettik organ ókilderiniń qatysýymen keńes ótti.

— QR TJM «Qazseldenqorǵaý» MM fılıalynyń mamandary asa qaýipti ýchaskelerge tekserý júrgizdi. Topyraqtyń iri zaqymdanýlary, deformatsııalary, jaryqtary men shógýleri anyqtalǵan joq. Tirshilikti qamtamasyz etý obektileri men asa mańyzdy ınfraqurylymdar shtattyq rejımde jumys istep jatyr, — dep jazdy vedomstvonyń baspasóz qyzmeti.

Aıta keteıik, buǵan deıin qıraýlar men zardap shekkender týraly aqparat túspegendigi jóninde jazdyq.