Ońtústikte bopsalaýmen aınalysqan top ustaldy

ASTANA. KAZINFORM – Polıtsııa bopsalaý qylmysyna qatysy bar kúdiktilerdi ustady.

Оңтүстікте бопсалаумен айналысқан топ ұсталды
Фото: Видеодан скрин

Bul týraly brıfıngte Túrkistan oblysy Polıtsııa departamenti bastyǵynyń orynbasary Qurmanbek Sahov málimdedi.

Naqtyraq aıtsaq, polıtseıler Túlkibas aýdanynyń aýmaǵynda júrgizilgen jedel-izdestirý is-sharalarynyń nátıjesinde destrýktıvti-dinı aǵym ustanýshylary men margınaldy jastardan turatyn 7 kúdiktini ustady. Olardyń barlyǵy jergilikti turǵyndar, al ekeýi aǵaıyndy bolyp shyqty.

- Jedel ýákilder ustalǵandardyń turǵylyqty mekenjaıyn tintý kezinde 12 kalıbrli 1 karabın, túrli kalıbrli 20-dan astam patron, 7 dana dinı ádebıet, pyshaq, ratsııa, kazıno chıpteri jáne basqa da zattaı dáleldemelerdi tárkiledi, - delingen habarlamada.

Sonymen qatar polıtsııa qyzmetkerleri kúdiktilerdiń biriniń jumys orny, ıaǵnı tsehtyń aýlasyna jasyrylǵan 2 tegis uńǵyly karabın men 7 oq-dári tárkiledi.

Qazirgi ýaqytta osy fakt boıynsha sotqa deıingi tergeý amaldary júrgizilip jatyr. Kúdiktiler qamaýǵa alyndy. Barlyq mán-jaıdy anyqtaýǵa baǵyttalǵan tergeý sharalary jalǵasyp jatyr.

Сейчас читают