Ońtústikkoreıalyq ramen rekord ornatty: Eksport on aıda bir mlrd dollardan asqan

ASTANA. KAZINFORM – Koreı mádenıetiniń shetelde tanymaldylyǵy artýynyń arqasynda qazan aıyna qaraı ońtústikkoreıalyq jyldam kespe eksporty rekordtyq kórsetkishke jetti, dep habarlaıdy Kazinform Yonhap-qa silteme jasap.

Koreıa Respýblıkasynyń Azyq-túlik, aýyl, orman jáne balyq sharýashylyǵy mınıstrliginiń málimetinshe, ramen eksporty qańtar-qazan aılary aralyǵynda 30%-ǵa artyp, 1,02 mlrd dollarǵa jetti.

Bul kórsetkish 2023 jylǵy 952 mln dollardy quraǵan jyldyq rekordtan asyp tústi.

2024 jyldyń alǵashqy 10 aıynda Qytaıǵa eksport 18,6 paıyzǵa ósip, 206,8 mln dollardy qurady. AQSh-qa eksport 65 paıyzǵa artyp, 176,5 mln dollarǵa jetti. Al Nıderlandyǵa eksport 57,7 paıyzǵa ósip, 76,7 mln dollardy qurap otyr.

«Koreıalyq tez daıyndalatyn kespeni búkil álemdegi adamdar tutynady. Onyń suranysqa ıe bolýy ýaqytsha qubylys emes. Bul nátıjege jetý kompanııalardyń tutynýshylar qajettilikterin zerttep, marketıngtik strategııalar qurýynyń jáne memlekettiń jańa satyp alýshylardy tabýǵa qoldaý kórsetýiniń arqasynda múmkin boldy», - deıdi Azyq-túlik, aýyl, orman jáne balyq sharýashylyǵy mınıstri Son Mı Ren.

Osyǵan deıin QR Eńbek jáne halyqty áleýmettik qorǵaý mınıstriligi Ońtústik Koreıada Qazaqstan azamattarynyń zańdy jumys isteýi úshin qandaı is-sharalar atqarylyp jatqanyn túsindirdi.