Ońtústikkoreıalyq kompanııa ókilderimen AES qurylysy boıynsha kezdesý ótti

ASTANA. KAZINFORM - Búgin Qazaqstanda AES salý boıynsha yqtımal ıadrolyq tehnologııalar jetkizýshilerimen júrgizilip jatqan básekelestik dıalog aıasynda Ońtústik Koreıanyń KHNP (Korea Hydro & Nuclear Power) kompanııasymen kezdesý ótti.

QR Atom energııasy jónindegi agenttigi baspasóz qyzmetiniń habarlaýynsha, taraptar atom energetıkasy salasyndaǵy yntymaqtastyqtyń perspektıvalaryn, kadr daıarlaý, jergilikti óndiristi damytý jáne birlesken jobalardy iske asyrý máselelerin talqylady.

Qazaqstan Respýblıkasynyń Atom energııasy jónindegi agenttiginiń tóraǵasy Almasadam Sátqalıev KHNP kompanııasynyń zamanaýı reaktorlardy jobalaý, salý jáne paıdalaný tájirıbesin atap ótip, halyqaralyq seriktestermen ashyq ári ádil básekege negizdelgen dıalog júrgizýdiń mańyzdylyǵyn erekshe atap ótti.

KHNP kompanııasynyń bas dırektory Chýho Ýang Qazaqstandaǵy jobalardy júzege asyrý úshin Ońtústik Koreıanyń tájirıbesin usynýǵa daıyn ekenin málimdep, ekijaqty yntymaqtastyqty keńeıtýge qyzyǵýshylyq bildirdi.

Atalmysh kezdesý Qazaqstanda AES salý jobasy boıynsha yqtımal ıadrolyq tehnologııalar jetkizýshilerimen júrgizilgen kelissózderdiń qorytyndy kezeńi boldy.

Osyǵan deıin Qazaqstanda alǵashqy AES salatyn óńir belgili bolǵanyn jazdyq.