«Ońtústik» jáne «Soltústik» áskerı jabdyqtaý bazasy biriktirildi
ASTANA. KAZINFORM — Úkimet 2025 jylǵy 13 tamyzdaǵy «Qazaqstan Respýblıkasynyń Іshki ister mınıstrliginiń keıbir máseleleri týraly» qaýlyny bekitti.
— Іshki ister mınıstrligi «Ońtústik» áskerı jáne arnaıy jabdyqtaý bazasy respýblıkalyq memlekettik mekemesi men «Soltústik» áskerı jáne arnaıy jabdyqtaý bazasy respýblıkalyq memlekettik mekemesin biriktirý jolymen Іshki ister mınıstrliginiń áskerı jáne arnaıy jabdyqtaý bazasy respýblıkalyq memlekettik mekemesi bolyp qaıta uıymdastyrylsyn, — delingen qujatta.
Іshki ister mınıstrligi atalǵan mekemege qatysty memlekettik basqarýdyń tıisti salasyna basshylyq jasaıtyn ýákiletti organ bolyp aıqyndaldy.
Vedomstvodan túsindirgendeı, eki baza qyzmetin qaıta uıymdastyrý bıýdjet qarajatyn ońtaılandyrýǵa múmkindik beredi. Sonymen birge «Ońtústik» áskerı jáne arnaıy jabdyqtaý bazasynda qysqartylatyn shtat sany esebinen mınıstrliktiń ortalyq apparaty, Almaty, Shymkent qalasy, Aqmola jáne Aqtóbe oblysyndaǵy polıtsııa departamentindegi gospıtal men emhana jumysy kúsheıtiledi.
Aıta ketsek, atalǵan mekemelerdiń qyzmetin qaıta uıymdastyrý rásimi respýblıkalyq bıýdjetten qosymsha qarajat qajet etpeıdi.
Qaýly 2025 jylǵy 13 tamyzdan bastap kúshine endi.