Ońtústik Sýdanda ushaq qulap, 14 adam mert boldy

ASTANA.KAZINFORM - Cessna 208 Caravan Jýba qalasynyń shetinde qulady. Borttaǵy 14 adamnyń barlyǵy — 13 jolaýshy men ushqysh kóz jumdy, dep habarlaıdy Aljazeera.

CityLink Aviation áýe kompanııasyna tıesili ushaq Ieı qalasynan Jýba halyqaralyq áýejaıyna baǵyt alǵan. Apatqa deıin kóp uzamaı ushaqpen baılanys úzilgen.

Aldyn ala málimet boıynsha, qaıǵyly oqıǵaǵa qolaısyz aýa raıy men kórinsiniń qıyndaýy sebep bolǵan. Qulaǵan oryn Jýbadan shamamen 20 shaqyrym jerde ornalasqan. Qazir onda jedel qyzmet ókilderi jumys istep jatyr.

Qaza tapqandardyń arasynda Kenııanyń eki azamaty jáne Ońtústik Sýdannyń 12 azamaty bar. Ushaq synyqtary tolyq janyp ketken.

Osyǵan deıin Sýdanda gýmanıtarlyq jaǵdaı qıyndap bara jatqany týraly jazdyq.