Ońtústik pen ońtústik-shyǵysta túnde 7 gradýsqa deıin aıaz bolady
ASTANA. KAZINFORM — Qazgıdromet 17–19 qazanǵa arnalǵan Qazaqstan boıynsha aýa raıy boljamyn jarııalady.
Atmosferalyq fronttardyń ótýine baılanysty Qazaqstannyń basym bóliginde jaýyn-shashyn (jańbyr, qar) kútiledi. Eldiń shyǵysy men ońtústik-shyǵysyndaǵy taýly aýdandarda qar jaýady, al batysta jańbyr jaýady. Tek Ulytaý oblysynda jaýyn-shashynsyz aýa raıy boljanady.
Respýblıka boıynsha tuman túsedi, eldiń shyǵysynda kóktaıǵaq kútiledi. Batys óńirlerde naızaǵaı oınaıdy. Ońtústik jáne ońtústik-shyǵys óńirlerde túnde 1–7 gradýs aıaz bolady.
Aýa temperatýrasy:
- Batysta: kúndiz aýa temperatýrasy negizinen +18…+25 °C bolady.
- Soltústik-batysta: túnde aýa temperatýrasy 0…+5 °C-tan −1…−6 °C-qa deıin, kúndiz +13…+18 °C-tan +15…+20 °C-qa deıin azdap qubylady.
- Soltústikte: túnde aýa temperatýrasy 0…+5 °C-tan −1…−6 °C-qa deıin, kúndiz +6…+12 °C-tan +12…+17 °C-qa deıin azdap ózgeredi.
- Ortalyqta: kúndiz aýa temperatýrasy negizinen +10…+20 °C bolady.
- Shyǵysta: túnde aýa temperatýrasy 0…+5 °C-tan −1…−6 °C-qa deıin azdap qubylady. Kúndiz negizinen +3…+12 °C, taýly aýdandarda −2 °C bolady.
- Ońtústikte: túnde +2…+7 °C, kúndiz +18…+25 °C bolady.
- Ońtústik-shyǵysta: kúndiz +10…+18 °C, taýly aýdandarda +3…+8 °C bolady.
