Ońtústik óńirdegi mektepter onlaın oqytýǵa kóshti
TÚRKІSTAN. KAZINFORM- Túrkistan oblysy men Shymkent qalasyndaǵy birqatar mektep oqýshylary 2 aqpan kúni onlaın oqıdy.
Kún raıynyń kúrt sýytýyna baılanysty Tólebı aýdanyndaǵy barlyq bilim ordasy onlaın bilim alý formatyna aýysty.
Túlkibas aýdanynyń bilim bólimine baǵynysty barlyq deńgeıdegi memlekettik bilim berý uıymdaryn da qashyqtan oqytýǵa jiberý týraly sheshim qabyldandy.
Kentaý qalasyndaǵy barlyq mektepterdiń daıarlyq synyptary men bastaýysh jáne 5, 6, 7, 8 synyptaryndaǵy oqýshylar úıde oqıtyn boldy. Sondaı-aq, Kentaý qalasyna qarasty Aşysaı aýylynda qalyń qar jaýyp, joldar jabylýyna baılanysty №7 J.Jabaev atyndaǵy jáne №8 M.Gorkıı atyndaǵy shaǵyn jınaqty jalpy bilim beretin mektepterdiń oqýshylary qashyqtan oqýǵa jiberildi.
«Kún raıy qolaıly aýdan, qalalardaǵy oqýshylar shtattyq rejımde bilim alýda. Ózgerister oryn alǵan jaǵdaıda bilim berý mekemeleri men bólim tarapynan qosymsha habar beriledi. Aýa raıynyń ózgerýine baılanysty ózgerister engizilýi múmkin ekenin habarlaımyz!» - delingen Túrkistan oblysy bilim basqarmasynyń baspasóz qyzmeti usynǵan aqparatta.
Shymkent qalalyq bilim basqarmasynyń baspasóz qyzmeti de kún raıynyń nasharlaýyna baılanysty 2 aqpan kúni 0-8 synyp oqýshylary qashyqtan oqıtynyn habarlady. Al, 9-11 synyp oqýshylary dástúrli túrde mektepke baryp bilim alady.
