Ońtústik Koreıanyń Joǵarǵy soty Samsung basshysyn tolyq aqtady

Beısenbi kúni Ońtústik Koreıanyń Joǵarǵy soty Samsung Electronics kompanııasynyń tóraǵasy Lı Chje Endy aqtaý týraly úkimdi kúshinde qaldyrdy, dep habarlaıdy Yonhap.

Bul sheshim Lı Chje Enǵa 2015 jyly eki kompanııa – Cheil Industries Inc. pen Samsung C&T Corp. arasyndaǵy daýly birigýge baılanysty aktsııa baǵasyn qoldan ózgertý, senimdi teris paıdalaný jáne býhgalterlik alaıaqtyq boıynsha aıyp taǵylǵannan tórt jyl on aı ótken soń qabyldandy.

Atalǵan birigý Lıdiń kompanııa basshylyǵyn muragerlikke alýdaǵy mańyzdy qadam retinde baǵalanǵan. Óıtkeni onyń ákesi, Samsung kompanııasynyń burynǵy basshysy Lı Gon Hı, 2014 jyly ınfarkt alǵan.

Lı Chje En birinshi sotta taǵylǵan 19 aıyptyń, al keıingi sotta qosylǵan aıyptarmen birge barlyǵy 23 aıyptyń bárinen tolyqtaı aqtaldy.

Joǵarǵy sot prokýratýranyń apellıatsııasyn qanaǵattandyrmaı, alǵashqy sot sheshiminde eshqandaı qate bolmaǵanyn málimdedi.

Sondaı-aq, sot isine tartylǵan taǵy 13 adam men uıym da tolyq aqtaldy.

Lıdiń advokaty sotqa «dana sheshim shyǵarǵany úshin» alǵysyn bildirdi.

Eske sala keteıik, Ońtústik Koreıa eks-prezıdentin tutqyndaý zańdylyǵy týraly tyńdaý osy aptada ótedi.