Ońtústik Koreıanyń Pýsan qalasynda AQSh áskerı qoımasy janyp jatyr
ASTANA. KAZINFORM – Ońtústik Koreıanyń Pýsan qalasyndaǵy AQSh áskeriniń qoımasynan órt shyqty, dep habarlaıdy reseılik TASS Koreıanyń Yonhap agenttigine silteme jasap.
Qoımada ádette Pýsan porty arqyly tasymaldanatyn qurylǵy saqtalyp kelgen. Órtti sóndirýge 160-tan astam órt sóndirýshi jáne 51 tehnıka tartylǵan. Zardap shekkender týraly habar joq.
Órt jergilikti ýaqyt boıynsha saǵat 18:30 kezinde bastalǵan.
AQSh áskerıleri bul ýaqytta jóndeý jumystary júrip jatqandyqtan qoımada eshteńe bolmaǵanyn habarlady.
Osyǵan deıin Ońtústik Koreıanyń ekonomıkalyq ósimi úshinshi toqsanda boljanǵan shamadan da álsiz bolǵany týraly jazǵan edik.
