Ońtústik Koreıanyń premer-mınıstri prezıdenttiń mindetin atqarýshy qyzmetine qaıta oraldy

ASTANA. KAZINFORM – Ońtústik Koreıanyń premer-mınıstri Han Dok Sý óziniń qyzmetine jáne prezıdenttiń mindetin atqarýshy laýazymyna qaıta taǵaıyndaldy. Bul sheshim eldiń Konstıtýtsııalyq soty Ulttyq assambleıanyń ımpıchment týraly ótinishin qabyldamaǵannan keıin qabyldandy, dep habarlaıdy Euronews.

Хан Док Су
Фото: vesti.az

Konstıtýtsııalyq sot jeti daýysqa qarsy bir daýyspen Hannyń paıdasyna sheshim shyǵardy.

Han jeltoqsan aıynyń ortasynda ýaqytsha memleket basshysy boldy. Ol qyzmetke prezıdent ıÝn Sok Eldiń 3 jeltoqsanda tótenshe jaǵdaı engizgeni úshin qyzmetinen shettetilýinen keıin keldi.

ıÝnnyń bul sheshimi elde saıası daǵdarys týyndatty. Tótenshe jarlyqqa qol qoıylǵannan birneshe saǵat ótken soń, depýtattar parlamentke jınalyp, bul sheshimdi joıýǵa daýys berdi.

14 jeltoqsanda ıÝnǵa ımpıchment jarııalandy.

Alaıda, Han Dok Sý Konstıtýtsııalyq sottaǵy bos oryndarǵa úsh sýdıa taǵaıyndaýdan bas tartqany úshin eki aptadan keıin onyń ózine de ımpıchment jarııalanǵan edi.

Dúısenbi kúni qyzmetine qaıta oralǵannan keıin, Han jýrnalısterge alǵysyn bildirip, Konstıtýtsııalyq sottyń sheshimin «danalyq sheshim» dep atady.

«Elimizdiń damýy — basty basymdyq. Sol úshin biz solshyl nemese ońshyl bolyp bólinbeýimiz kerek», — dedi ol.

Buǵan deıin Ońtústik Koreıanyń oppozıtsııalyq partııalary prezıdenttiń mindetin atqarýshyǵa ımpıchment jarııalaý týraly ótinish bergeni habarlanǵan edi.

Сейчас читают