Ońtústik Koreıanyń metro qurylysy alańy opyrylyp qaldy
ASTANA. KAZINFORM – Koreıa Respýblıkasyndaǵy metro qurylysy opyrylyp qulady. Bul týraly polıtsııaǵa silteme jasap, Renhap agenttigi habarlady dep jazdy Sınhýa.
El astanasy Seýldiń ońtústigindegi Gvanmeng qalasyndaǵy jer asty qurylys alańy jergilikti ýaqyt boıynsha shamamaen 15:13–te opyrylǵan. Ýchaskedegi 17 jumysshynyń bireýi jer astynda qalyp, bir ekskavatorshy iz-túzsiz joǵalyp ketken.
Apat kesirinen joldar men jaqyn mańdaǵy kommertsııalyq nysandar zaqymdanǵan.
Sonyń aldynda ǵana salynyp jatqan jerasty tonneliniń tireýishterinde jaryqtar bar ekeni aıtylyp, opyrylýy múmkin ekeni boljanǵan kórinedi.
Apattan keıin mańyndaǵy joldar túgelimen jabylyp, qozǵalys shektelgen.
— Jaqyn mańaıda turatyn turǵyndardy evakýatsııalaý týraly buıryq berildi, — deıdi bılik ókilderi.
Buǵan deıin habarlanǵandaı, Túrkııada shahta opyrylyp 14 adam jaraqat aldy.