Ońtústik Koreıanyń qyzmetinen ýaqytsha shettetilgen prezıdenti jaýap alýǵa shaqyrylady
ASTANA. KAZINFORM – Koreıa Respýblıkasynyń Birikken tergeý toby ımpıchment jarııalanǵan prezıdent ıÝn Sok Eldy búlik shyǵardy jáne bılikti asyra paıdalandy degen aıyppen sársenbide sotqa shaqyrýdy josparlap otyr, dep habarlaıdy Kazinform Sınhýa aqparat agenttigine silteme jasap.
Birlesken tergeý toby prezıdent keńsesine ıÝn Sok Eldy soǵys jaǵdaıy boıynsha isti tergeý aıasynda 18 jeltoqsanda jaýap alýǵa kelýin suraıtyn shaqyrý qaǵazyn jetkizýi tıis edi.
Top quramyna joǵary laýazymdy tulǵalarǵa qatysty sybaılas jemqorlyqty tergeý basqarmasy, Ulttyq tergeý basqarmasy jáne Qorǵanys mınıstrliginiń tergeý shtaby kirip otyr.
Buǵan deıin Ońtústik Koreıanyń Ulttyq assambleıasy ótken aptada áskerı jaǵdaı engizý áreketine qatysty ıÝn Sok El men jeti sheneýnikti tez arada qamaýǵa alýdy talap etetin qarar qabyldady.
Sondaı-aq Ońtústik Koreıa parlamenti prezıdent ıÝn Sok Elǵa qatysty aıyptaýlardy tekserý úshin arnaıy prokýror taǵaıyndaý týraly zań jobasyn qabyldady.
Buǵan deıin Ońtústik Koreıa prezıdentine saparǵa shyǵýǵa tyıym salyndy. Elden shyǵýǵa tyıym salý ıÝn Sok El jarııalaǵan áskerı jaǵdaıǵa baılanysty tergeý amaldary úshin qajet boldy.
Eske sala ketsek, Ońtústik Koreıanyń prokýratýrasy prezıdentke qarsy memleketke opasyzdyq jasady degen aıyp taǵyp otyr. Ońtústik Koreıanyń burynǵy qorǵanys mınıstri de memleketke opasyzdyq jasady degen aıyppen qamaýǵa alyndy.
Sonymen qatar, Ulttyq jınalys plenarlyq otyrysta Prezıdentke ımpıchment jarııalaý týraly usynysqa daýys saldy. Bıliktegi «Halyqtyq bılik» partııasynyń (HBP) úsh zań shyǵarýshysynan basqasy ımpıchment týraly usynysqa daýys berýge boıkot jarııalady.
Burynǵy qorǵanys mınıstri Kım En Hen prezıdent ıÝn Sok Elǵa ótken aptada áskerı jaǵdaı engizý arqyly búlik shyǵarýǵa kómektesti degen aıyppen cársenbide resmı túrde qamaýǵa alyndy.