Ońtústik Koreıanyń eks-prezıdentine taǵy 30 jylǵa bas bostandyǵynan aıyrý úkimi shyǵaryldy
ASTANA. KAZINFORM — Ońtústik Koreıanyń eks-prezıdenti ıÝn Sok El jaýǵa kómektesti jáne bılikti teris paıdalandy degen aıyppen 30 jylǵa bas bostandyǵynan aıyrý jazasyna kesildi, dep habarlaıdy Yonhap.
ıÝn Sok El 2024 jyldyń jeltoqsanynda áskerı jaǵdaı jarııalaý syltaýymen shekaradaǵy shıelenisti kúsheıtý maqsatynda Soltústik Koreıaǵa drondardyń enýin uıymdastyrǵany úshin kináli dep tanyldy.
Burynǵy qorǵanys mınıstri Kım En Hen da arnaıy prokýrordyń 25 jyl suraýyna qaramastan osy operatsııalarǵa qatysqany úshin 30 jylǵa bas bostandyǵynan aıyrý jazasyna kesildi.
— Áskerı jaǵdaı engizýge negiz qalyptastyrý úshin aıyptalýshylar psıhologııalyq soǵys taktıkasyn qoldanýǵa sheshim qabyldaǵan. Olar KHDR-dy arandatyp, túrli arandatýshylyq áreketterge ıtermeleýdi, keıin muny jergilikti qaqtyǵys sııaqty qarýly janjal týyndatýǵa nemese áskerı shıelenistiń kúsheıýi saldarynan ulttyq qaýipsizdik salasynda daǵdarystyq jaǵdaı qalyptastyrýǵa paıdalanýdy kózdegen, — delingen sot sheshiminde.
ıÝn Sok Eldiń advokattary drondardy ornalastyrý Soltústik Koreıanyń 2024 jyly Ońtústik Koreıaǵa qoqys tıelgen sharlardy ushyrýyna jaýap retinde zańdy áskerı operatsııa bolǵanyn alǵa tartady. Olar sheshimge qatty ókinish bildirip, apellıatsııalyq shaǵym túsirýge ýáde berdi.
Juma kúni shyǵarylǵan sheshim bir jylǵa jýyq ýaqyt boıy qamaýda otyrǵan burynǵy prezıdent úshin taǵy bir aıyptaý úkimi boldy.
Elde áskerı jaǵdaı engizý áreketine baılanysty oǵan qarsy barlyǵy segiz qylmystyq is qozǵaldy.
Eske salsaq, 2026 jyldyń aqpanynda Seýldiń ortalyq aýdandyq soty Ońtústik Koreıanyń burynǵy prezıdenti ıÝn Sok Elge 2024 jyldyń jeltoqsanyndaǵy búlik týraly is boıynsha ómir boıy bas bostandyǵynan aıyrý jazasyna kesti.
ıÝn Sok El ózine shyǵarylǵan ómir boıyna bas bostandyǵynan aıyrý úkimine apellıatsııalyq shaǵym túsirdi.
Qańtar aıynyń sońynda Ońtústik Koreıanyń burynǵy birinshi hanymy Kım Kon Hıdi iskerlik kelissózder kezinde shirkeý birlestiginen qymbat syılyqtar alǵany úshin kináli dep taýyp, bir jyl segiz aıǵa bas bostandyǵynan aıyrý jazasyn kesti.
