Ońtústik Koreıanyń eks-prezıdenti saılaý aldynda partııadan ketti

ASTANA. KAZINFORM — Ońtústik Koreıanyń qyzmetinen shettetilgen prezıdenti ıÝn Sok El 3 maýsymdaǵy kezekten tys prezıdenttik saılaý qarsańynda bıleýshi partııadan shyǵatynyn málimdedi, dep jazady Sınhýa.

— Búgin men «Azamattyq kúsh» partııasynan shyǵamyn. Maǵan senip, uzaq ýaqyt boıy janymda bolǵan serikterimniń aldynda bas ıemin, — dedi ol óziniń onlaın málimdemesinde.

ıÝn Sok El partııadan ketýin — aldaǵy prezıdenttik saılaýda partııa kandıdatynyń jeńisin qamtamasyz etýdiń jáne eldegi lıberaldyq demokratııany qorǵaýdyń eń tıimdi joly dep esepteıtinin aıtty.

Sońǵy ýaqytta ıÝn Sok Elge partııadan ketýge shaqyrǵan úndeýler kúsheıgen bolatyn. Bul qadam, ásirese, daýys berýge sheshim qabyldaı almaı júrgen elektorattyń qoldaýyna úmit artý úshin usynyldy. Bıleýshi partııanyń bedeliniń túsýine ıÝn Sok Eldiń elde áskerı jaǵdaı engizýi, keıin ımpıchmentke ushyrap, prezıdenttik qyzmetten tolyq shettetilýi sebep boldy.

Eks-prezıdent azamattardy 3 maýsymdaǵy saılaýda «Azamattyq kúsh» bıleýshi konservatıvtik partııasynan usynylǵan kandıdat Kım Mýn Sýdy qoldaýǵa shaqyryp, bostandyqty, egemendikti jáne órkendeýdi qorǵaý úshin kúsh biriktirýge úndedi.

Eske salaıyq, 4 sáýir kúni Konstıtýtsııalyq sot burynǵy prezıdent ıÝn Sok Eldi bılikten bir aýyzdan shettetti. Bul sheshim áskerı tótenshe jaǵdaıǵa baılanysty oqıǵalar negizinde qabyldandy jáne parlamenttiń bes aıybynyń barlyǵyna sot kelisim berdi. Prezıdent qyzmetinen shettetilgen sátten bastap 60 kún ishinde kezekten tys saılaý ótýi tıis. Bul saılaýda basty úmitker — 2022 jyly ıÝn Sok Elden az ǵana aıyrmashylyqpen jeńilgen oppozıtsııa jetekshisi Lı Chje Men sanalady. Buǵan deıin sarapshylar daýys berý eń kóp degende 60 kún ishinde uıymdastyrylady dep boljaǵan edi, bul saıasatkerlerge daıyndalýǵa ýaqyt beredi.

Koreıa Respýblıkasy bıligi kezekten tys prezıdenttik saılaýdy 3 maýsymǵa belgileýdi josparlap otyr.

Budan buryn sáýir aıynyń basynda Ońtústik Koreıanyń burynǵy prezıdenti ıÝn Sok El rezıdentsııadan aptanyń sońyna deıin ketetini habarlandy.