Ońtústik Koreıanyń eks-birinshi hanymy jemqorlyqqa qatysy bar degen aıyppen qamaldy

ASTANA. KAZINFORM – Ońtústik Koreıanyń burynǵy birinshi hanymy Kım Kon Hı sársenbide jeke kameraǵa otyrǵyzyldy. Bul sot ony arnaıy prokýrorlardyń sybaılas jemqorlyqqa qatysty birqatar aıyptaý boıynsha tergeýi aıasynda qamaýǵa alý týraly sanktsııa bergennen keıin boldy, dep habarlaıdy Yonhap aqparat agenttigi. 

Arnaıy prokýror tobynyń málimetinshe, oǵan qymbat syılyqtar alý arqyly paraqorlyq, Deutsch Motors avtokólik dıleriniń baǵaly qaǵazdarymen alaıaqtyq jasaý jáne depýtattyqqa kandıdattardy irikteý protsesine aralasý boıynsha aıyptar taǵylyp otyr.

52 jastaǵy Kım Kon Hı kinásin moıyndamady. Biraq tórt saǵattyq tyńdaýdan keıin sot eger ol bosatylsa, dáleldemelerdi joıa alatynyn túsindirip, ony qamaýǵa alýdy buıyrdy. Osylaısha Kım Kon Hı jáne onyń kúıeýi, burynǵy prezıdent ıÝn Sok El el tarıhynda bir ýaqytta ustalǵan alǵashqy burynǵy prezıdenttik jupqa aınaldy. 

Arnaıy prokýror Mın Chjýn Gıdiń komandasy ótken aptada Kımdi Kapıtal naryǵy týraly, Saıası qorlar jóninde jáne deldaldyq úshin para alý týraly zańdy buzdy degen aıyppen qamaýǵa alý týraly order berýdi surady. 

Eske sala ketsek, Ońtústik Koreıa soty eks-birinshi hanymdy qamaýǵa alýǵa sanktsııa bergenin jazǵan bolatynbyz. 

Buǵan deıin Ońtústik Koreıanyń eks-prezıdenti qamaýda qala beretini týraly jazǵan edik.