Ońtústik Koreıanyń eks-alǵashqy hanymyna sybaılas jemqorlyq boıynsha aıyp taǵyldy

ASTANA. KAZINFORM — Juma kúni Ońtústik Koreıanyń arnaıy prokýrorynyń toby eldiń burynǵy birinshi hanymy Kım Kon Hıǵa sybaılas jemqorlyq jáne paraqorlyq isi boıynsha resmı aıyp taqty. Bul týraly Yonhap agenttigi habarlaıdy.

Kım Kon Hı – burynǵy prezıdent ıÝn Sok Eldiń jubaıy. Ol el tarıhynda tuńǵysh ret qamaýǵa alynyp, sotqa tartylǵan burynǵy prezıdenttiń zaıyby atandy.

Arnaıy prokýror Mın Chjýn Gıdiń málimetinshe, Kım Kon Hıǵa kelesi zańdardy buzǵany úshin aıyp taǵylǵan:

• Kapıtal naryǵy týraly zańdy buzý;

• Saıası qorlar týraly zańdy buzý;

• Deldaldyq arqyly para alý.

Ol baǵaly qaǵazdarmen alaıaqtyq, saılaý nátıjesine yqpal etýge tyrysý jáne iskerlik qyzmetter úshin qymbat syılyqtar alý boıynsha aıyptalyp otyr.

Aıyptaý qorytyndysy onyń aldyn ala qamaýǵa alý merzimi aıaqtalýyna eki kún qalǵanda jarııalandy. Bul shara ony tergeý ızolıatorynda taǵy 6 aıǵa deıin qaldyrýǵa múmkindik beredi.

Eger arnaıy prokýror qosymsha aıyptar boıynsha jańa qamaýǵa alý sanktsııasyn alsa, bul merzim uzartylýy múmkin.

Aıta keteıik, Kım Kon Hı 12 tamyzda tutqyndalǵan bolatyn.

Sodan beri arnaıy prokýrorlar ony bes ret jeke tergegenimen, ol úndemeý quqyǵyn jıi paıdalanǵan.

Kım Kon Hı men ıÝn Sok El – el tarıhynda bir mezgilde tutqyndalyp, sot aldynda jaýap berip jatqan tuńǵysh eks-prezıdenttik jup. Búginde ıÝn Sok El de qamaýda otyr jáne oǵan tóńkeris uıymdastyrý baby boıynsha aıyp taǵylǵan.

Keshe, 28 tamyzda, ol sot otyrysyna altynshy ret qatyspaı, sot protsesi onyń qatysýynsyz jalǵasqan.