Ońtústik Koreıanyń burynǵy prezıdentine ólim jazasy kesilýi múmkin
ASTANA.KAZINFORM - Seısenbi kúni arnaıy prokýrorlar toby burynǵy prezıdent ıÝn Sok Elge áskerı jaǵdaı engizý áreketi sátsiz aıaqtalǵany úshin ólim jazasyna kesýdi talap etti.
Yonhap aqparaty boıynsha, ólim jazasyn talap etý burynǵy prezıdenttiń Seýl ortalyq aýdandyq sotyndaǵy sońǵy tyńdaýy kezinde jasaldy. Arnaıy prokýror Cho Yn Soktyń komandasy ıÝn Sok Eldi kóterilisti qozdyrýshy, sot bıligi men zań shyǵarýshy bılikti basyp alý arqyly bılikte qalýǵa tyrysty dep aıyptady.
Burynǵy prezıdent 2024 jyldyń jeltoqsanynda áskerı jaǵdaıdy qysqa merzimge engizý arqyly tóńkeris uıymdastyrdy jáne bılikti teris paıdalandy dep aıyptalǵan bolatyn.
Arnaıy prokýrorlar tobynyń málimeti boıynsha, burynǵy prezıdent saıası qarsylastaryn joıý jáne bılikti monopolııalaý jáne saqtaý úshin áskerı jaǵdaı jarııalady, bul onyń arnaıy rejım týraly jarlyǵy eldi júgensiz oppozıtsııalyq partııadan qorǵaýǵa arnalǵan degen pikirlerine qaıshy keledi.
ıÝn Sok El shilde aıynan beri qamaýda, jeltoqsanda sátsiz aıaqtalǵan áskerı jaǵdaıdy jarııalaý áreketine baılanysty ekinshi ret qamaýǵa alyndy.
Buǵan deıin sot Ońtústik Koreıanyń burynǵy prezıdentin kepildikpen bosatýdan bas tartqany habarlanǵan bolatyn.
Saıasatkerdiń áıeli, burynǵy birinshi hanym Kım Kon Hı de 12 tamyzdan beri qamaýda. Ol aktsııa baǵasy aınalasyndan manıpýlıatsııa jasady aıyptaldy.
Buǵan deıin Qyrǵyzstan Konstıtýtsııasyna ólim jazasyn engizý usynylǵany týraly habarlaǵan edik.