Ońtústik Koreıanyń burynǵy prezıdenti taǵy eki jylǵa bas bostandyǵynan aıyryldy
ASTANA.KAZINFORM - Dúısenbi kúni Seýldiń aýdandyq soty Ońtústik Koreıanyń burynǵy prezıdenti ıÝn Sok Eldi segiz qylmystyq istiń biri boıynsha eki jylǵa bas bostandyǵynan aıyrdy, dep habarlaıdy Yonhap.
Sot burynǵy prezıdentti «Saıası qorlar týraly» zańdy buzǵany úshin kináli dep tanydy.
Arnaıy prokýrorlar toby buǵan deıin ony jubaıy, burynǵy birinshi hanym Kım Kon Hımen sóz baılasty dep aıyptaǵan. Tergeý málimetinshe, ıÝn Sok El 2021 jylǵy sáýir men 2022 jylǵy naýryz aralyǵynda yqpaldy saıasatkerden jalpy quny shamamen 270 mıllıon von (shamamen 180 myń AQSh dollary) bolatyn 58 qoǵamdyq pikir saýalnamasynyń nátıjesin tegin alǵan.
Atalǵan is boıynsha prokýrorlar eks-prezıdentti tórt jylǵa bas bostandyǵynan aıyrýdy suraǵan bolatyn.
ıÝn Sok Elge sondaı-aq 2024 jylǵy jeltoqsanda elde qysqa merzimge áskerı jaǵdaı engizý arqyly búlik uıymdastyrdy jáne qyzmettik ókilettigin asyra paıdalandy degen aıyp taǵylǵan.
Jalpy áskerı jaǵdaı engizý áreketine baılanysty oǵan qarsy segiz qylmystyq is qozǵalǵan.
2026 jylǵy aqpanda ıÝn Sok El áskerı jaǵdaı jarııalaý arqyly búlik uıymdastyrǵany úshin ómir boıyna bas bostandyǵynan aıyrylǵan edi. Keıin ol bul úkimge shaǵym túsirdi.
Maýsym aıynda burynǵy prezıdent jaýǵa járdemdesti jáne qyzmettik ókilettigin asyra paıdalandy degen aıyptar boıynsha 30 jylǵa bas bostandyǵynan aıyryldy.
Buǵan deıin Ońtústik Koreıanyń Joǵarǵy soty sot tóreligine kedergi keltirdi degen is boıynsha burynǵy prezıdentke shyǵarylǵan jeti jyldyq bas bostandyǵynan aıyrý týraly úkimdi kúshinde qaldyrǵan bolatyn.
