Ońtústik Koreıanyń burynǵy prezıdenti isti boldy
ASTANA. KAZINFORM — Ońtústik Koreıanyń jergilikti prokýratýrasy eldiń burynǵy prezıdenti Mýn Chje Indi para aldy degen kúdikpen sotqa berdi.
Yonhap agenttiginiń habarlaýynsha, 24 sáýir kúni Chondjý qalasynyń aımaqtyq prokýratýrasy Mýn Chje Indi «Arnaıy qylmystarǵa qatań jaza qoldaný týraly» zańdy (paraqorlyq baby) buzdy dep aıyptap, sotqa berdi.
Sonymen birge, prokýratýra burynǵy depýtat, Eastar Jet áýe kompanııasynyń negizin qalaýshy Lı San Djıkti para berý jáne qyzmettik tapsyrmaǵa salǵyrt qaraý kúdigimen sotqa berdi. Degenmen eks‑prezıdenttiń qyzy men kúıeý balasyna qatysty memlekettik aıyptaý ázirge keıinge qaldyryldy.
Tergeý deregine sáıkes, Lı San Djık Shaǵyn jáne orta bıznes korporatsııasynyń basqarma tóraǵasy bolyp turǵanda, atap aıtqanda, 2018 jyldyń naýryz aıynda Mýn Chje Inniń kúıeý balasy Eastar Jet-tiń Taılandtaǵy enshiles kompanııasyna basqarma múshesi retinde jumysqa alynǵan. Prokýratýra osy is boıynsha tekseris júrgizip jatyr.
Buǵan deıin Koreıa bıliginiń kezekten tys prezıdenttik saılaýdy 3 maýsymǵa belgileýdi josparlap otyrǵanyn jazǵan edik.