Ońtústik Koreıanyń burynǵy prezıdenti rezıdentsııadan aptanyń sońyna deıin ketedi

ASTANA. KAZINFORM – Koreıa Respýblıkasynyń burynǵy prezıdenti ıÝn Sok El Seýldiń ońtústik bóligindegi úıine oralady, dep habarlaıdy Yonhap aqparat agenttigi.

Eske sala ketsek, ótken aptada Ońtústik Koreıanyń Konstıtýtsııalyq soty prezıdent ıÝn Sok Elǵa ımpıchment jarııalaýdy qoldady. Osylaısha, ol aqyry qyzmetinen bosatyldy.

— ıÝn aptanyń sońyna deıin rezıdentsııadan ketedi dep kútilip otyr, - dedi prezıdent ákimshiliginiń ókili.

Ol bul juma men jeksenbi arasynda bolatynyn qosyp ótti.

Prezıdenttiń qaýipsizdik qyzmeti burynǵy onyń úıinde qaýipsizdikti qamtamasyz etý úshin 40-qa jýyq adamnan turatyn top quryp úlgergeni habarlandy.

ıÝn Sok Eldiń úıi Seýldiń ońtústigindegi turǵyn kesheninde ornalasqan. Ol buǵan deıin 2022 jyldyń mamyrynda ınaýgýratsııasynan keıin de 6 aı boıy sonda turǵan.

ıÝn Sok El men onyń zaıyby Kım Kon Hı basqa jerge kóshýdi oılastyryp jatyr. Óıtkeni olardyń 11 úı janýary — ıt pen mysyqtary bar, al kúzetshilerdiń bolýy kórshilerine biraz qolaısyzdyq týdyrýy múmkin. 

— Erli-zaıyptylardyń tórt bólmeli páteri bar, dep jazdy The Korean Herald.

Olardyń úıi 37 qabatty ǵımaratta, 757 turǵyn jáne kommertsııalyq bloktan turatyn keshenniń bir bóliginde ornalasqan jáne aýdany 164 sharshy metrdi quraıdy. Prezıdenttik rezıdentsııaǵa kóshkenge deıin balalary joq erli-zaıyptylar onda jeti úı janýary — tórt ıt jáne úsh mysyqpen turǵan.