Ońtústik Koreıanyń burynǵy birinshi hanymyna shyǵarylǵan úkim kúshinde qaldy
ASTANA. KAZINFORM — Ońtústik Koreıanyń Joǵarǵy soty beısenbi kúni burynǵy birinshi hanym Kım Kon Hıdi sybaılas jemqorlyq aıyptary boıynsha tórt jylǵa bas bostandyǵynan aıyrý jazasyn kúshinde qaldyrdy. Bul týraly Yonhap jazdy.
2026 jyldyń qańtarynda sot Kım Kon Hıdi shirkeý birlestiginen iskerlik kelissózder arqyly alynǵan qymbat syılyqtardy qabyldaǵany úshin kináli dep taýyp, bir jyl segiz aıǵa bas bostandyǵynan aıyrý jazasyna kesken.
Sáýir aıynda apellıatsııalyq sot jaza merzimin tórt jylǵa deıin uzartty, sonymen qatar onyń aktsııa baǵasyn manıpýlıatsııalaý shemasyna qatysy dáleldendi. Burynǵy birinshi hanymǵa 50 mıllıon von (37 600 AQSh dollary) aıyppul salyndy.
Beısenbi kúni Ońtústik Koreıanyń Joǵarǵy soty tórt jylǵa bas bostandyǵynan aıyrý jáne aıyppul tóletý jazasyn kúshinde qaldyrdy.
2025 jyldyń tamyz aıynan beri qamaýda otyrǵan Kım barlyq aıyptaýlardy joqqa shyǵarýmen keledi.
Eske sala keteıik, Kım Kon Hıdiń kúıeýi, burynǵy prezıdent ıÝn Sok El elde áskerı jaǵdaı engizý áreketine baılanysty segiz qylmystyq is boıynsha aıyp taǵylyp, aqpan aıynda ómir boıyna bas bostandyǵynan aıyrý jazasyna kesilgen.
Artynsha ıÝn Sok El ómir boıyna sottalý úkimine apellıatsııa berdi.