Ońtústik Koreıanyń burynǵy ádilet mınıstri 25 jylǵa bas bostandyǵynan aıyryldy
ASTANA.KAZINFORM — Ońtústik Koreıanyń burynǵy ádilet mınıstri Pak Son Chje burynǵy prezıdent ıÝn Sok El jarııalaǵan áskerı jaǵdaıǵa qatysqany úshin kináli dep tanyldy, dep habarlaıdy Yonhap.
Pak Son Chje tóńkeris uıymdastyrýda jáne bılikti teris paıdalanýda mańyzdy ról atqardy dep aıyptaldy. Tergeýshilerdiń aıtýynsha, burynǵy prezıdent ıÝn Sok El 2024 jyldyń 3 jeltoqsanynda áskerı jaǵdaı jarııalaǵannan keıin, Ádilet mınıstrliginiń joǵary laýazymdy sheneýnikteriniń jınalysyn ótkizgen.
Arnaıy prokýror toby 20 jylǵa bas bostandyǵynan aıyrý jazasyn suraǵan. Alaıda, Seýl ortalyq aýdandyq soty qatań jaza taǵaıyndady. Sot sonymen qatar dáleldemelerdiń joıylý qaýpin aıtyp, Pak Son Chjeni dereý sotqa deıingi qamaýǵa alýdy buıyrdy.
Burynǵy mınıstrdiń qorǵaý toby sot sheshimine dereý shaǵymdanatynyn málimdep, ony «faktilerge nemese zańdy qaǵıdattarǵa negizdelmegen úkim» dep atady.
Esterińizge sala keteıik, jańa prezıdent Lı Chje Men úsh isti — áskerı tótenshe jaǵdaıǵa baılanysty oqıǵalar, teńiz jaıaý áskeri sarbazynyń ólimi jáne ıÝn Sok Eldiń áıeline qatysty jemqorlyq aıyptaýlaryn tergeý úshin úsh prokýror taǵaıyndaǵan bolatyn. 10 shildede Seýldiń Ortalyq aýdandyq soty áskerı tótenshe jaǵdaıǵa qatysty isti tergep jatqan arnaıy prokýror Cho Yn Soktyń ótinishimen ıÝn Sok Eldi qamaýǵa alý týraly order berdi.
Elde áskerı jaǵdaıdy engizý áreketine baılanysty oǵan qarsy barlyǵy segiz qylmystyq is qozǵaldy.
2026 jyldyń qańtarynda ıÝn Sok El tutqyndaýǵa kedergi keltirdi degen aıyppen bes jylǵa bas bostandyǵynan aıyryldy.
Aqpan aıynda ol áskerı jaǵdaıdy jarııalaý arqyly kóterilis uıymdastyrǵany úshin ómir boıy bas bostandyǵynan aıyryldy.
Keıinirek ol sheshimge shaǵymdandy.
