Ońtústik Koreıanyń BTS toby Japonııada rekord ornatty
ASTANA. KAZINFORM — Ońtústik Koreıanyń K-pop juldyzdary BTS tobynyń Japonııa mýzyka naryǵyndaǵy tyńdalymy 10 mıllıardtan asty. Yonhap agenttiginiń habarlaýynsha bul tarıhı rekord.
Billboard Japan málimetteri boıynsha, BTS-tiń 27 áni kemi 100 mıllıon márte tyńdalǵan. Eń tanymal án «Dynamite» tyńdalymy 1 mıllıardtan assa, al «Butter» 600 mıllıon márte tyńdalǵan.
Toptyń jetistigi olardyń albomdaryna da qatysty. BTS-tiń naýryz aıynda shyqqan besinshi stýdııalyq albomy «Arirang» jyldyń birinshi jartysynda Billboard Japan-nyń biriktirilgen albomdar kestesinde birinshi oryn aldy, sonymen qatar CD satylymy men tyńdalymy boıynsha kestelerde kósh bastady.
Sonymen qatar top «Arirang» álemdik týryn jalǵastyryp otyr. Beısenbi kúni BTS Qytaıda Azııa-Aýstralııa kezeńiniń alǵashqy kontsertin ótkizdi.
Buǵan deıin Ońtústik Koreıanyń BTS toby Spotify platformasynda rekord ornatqany habarlanǵan.
K-pop Ońtústik Koreıaǵa rekordtyq deńgeıde týrıst tartyp otyr.
Ońtústik Koreıa týrısteri Japonııaǵa jıi bara bastady.