Ońtústik Koreıaǵa buryn-sońdy bolmaǵan jaýyn jaýdy
ASTANA. KAZINFORM — Ońtústik Koreıanyń ońtústik-shyǵysynda nóser jaýyn saldarynan 2,5 myńnan astam tosyn oqıǵa boıynsha shyǵyn keltirildi, dep habarlaıdy Yonhap.
Ońtústik Kensan provıntsııasyna jaýǵan nóser jaýyn saldarynan bir adam qaza taýyp, tórteýi jaraqat aldy. 560-tan astam adam evakýatsııalandy.
Elektr qýaty úzilip, sýmen jabdyqtaýda da qıyndyqtar týyndady.
Eldiń birneshe aımaǵynda jaýyn rekordtyq deńgeıge jetti.
Korea Herald gazetiniń habarlaýynsha, Ońtústik Kensan provıntsııasynda eki kúnde jazdyń ortasha kórsetkishine teń jaýyn-shashyn jaýǵan, eki qala — Kodje jáne Tonen qalalarynda bir táýliktikte-aq rekordtyq deńgeıdegi jaýyn-shashyn tirkelgen.
Buǵan deıin Japonııada nóser jaýyn alty adamnyń ómirin qıǵanyn jazǵanbyz.
