Ońtústik Koreıadaǵy zaýyttan órt shyqty: jeti adam zardap shegip, órt sóndirýshi qaza tapty
ASTANA. KAZINFORM- 16 qazan, juma kúni tańerteń Seýldiń batysyndaǵy Pýchhon qalasynda metall óńdeý zaýytynda órt shyǵyp, jeti adam zardap shekti. Júregi toqtap qalǵan órt sóndirýshilerdiń biri aýrýhanaǵa jetkizildi. Órtti sóndirýge 80 órt sóndirýshi jumyldyryldy, dep habarlaıdy Yonhap.
Órt jergilikti ýaqyt boıynsha saǵat 8:38-de zaýyttyń tórt qabatty ǵımaratynda bastalǵan. Shamamen eki saǵattan keıin órttiń negizgi bóligi oqshaýlandy.
Eki órt sóndirýshi aýyr jaraqat aldy. Olardyń biri júregi toqtaǵannan keıin aýrýhanaǵa jetkizildi. Taǵy úsh órt sóndirýshi men zaýyttyń eki qyzmetkeri jeńil jaraqat aldy. Olardyń arasynda tútinge ýlanyp qalǵandar da bar.
Órttiń shyǵý sebebi anyqtalady. Aldyn ala málimet boıynsha, zaýytta tez tutanatyn materıaldar saqtalǵan.
Oqıǵa týraly baıandama alǵan Ońtústik Koreıa prezıdenti Lı Chje Men órtti sóndirý jáne qaýip tónip turǵan adamdardy qutqarý úshin barlyq qajetti sharany qabyldaýdy tapsyrdy. Bul týraly memleket basshysynyń baspasóz hatshysy Kan ıÝ Chjon habarlady.
Buǵan deıin Ońtústik Koreıanyń burynǵy birinshi hanymyna qatysty sot úkimi ózgerdi.
