Ońtústik Koreıadaǵy ushaq apaty: 181 adamnyń 179-y mert boldy

ASTANA. KAZINFORM – Bul týraly Ońtústik Koreıanyń Yonhap agenttigine silteme jasap BBC habarlady.

Aldyn ala málimetter boıynsha, eki adamdy ǵana aman alyp qalý múmkin bolǵan. Olardyń bireýi jolaýshy, ekinshisi ekıpaj múshesi.

Agenttiktiń habarlaýynsha, bılik ókilderi qazir Bankokgtan ushyp shyqqan Jeju Air áýe kompanııasynyń apatqa ushyrýynyń eki negizgi sebebin qarastyryp jatyr. Olardyń biri aýa raıy, ekinshisi qustarmen soqtyǵysý.

Osyǵan deıin Ońtústik Koreıanyń Mýan halyqaralyq áýejaıynda bortynda 181 adamy bar jolaýshylar ushaǵy apatqa ushyrap, kem degende 47 adam qaza taýyp, taǵy kóp adam jaralandy.