Ońtústik Koreıadaǵy týrnırde shyńjańdyq eki qazaq balýany top jardy
ASTANA. KAZINFORM – Qytaıdyń Shyńjań-Uıǵyr avtonomııalyq ólkesindegi (ShUAÓ) ulty qazaq balýandar Sandjý qalasynda (Ońtústik Koreıa) kúres túrlerinen ótken Korea Open halyqaralyq týrnıriniń jeńimpazy atandy.
Shyńjań radıo jáne televıdenıe stantsııasynyń habarlaýynsha, Kabıran Abýshaımanuly erkin kúresten erler arasynda 97 keli salmaqta chempıon atansa, Ýálıhan Serikuly erler arasynda grek-rım kúresinen 67 keli salmaqta top jardy.
Aıta keteıik, Ýálıhan Serikuly – Tokıoda ótken Jazǵy Olımpıada oıyndarynyń qola júldegeri. Al Kabıran Abýshaımanuly – 2024 jylǵy Parıj Olımpıadasynyń qatysýshysy.
Buǵan deıin habarlaǵanymyzdaı, Sandjý qalasynda kúres túrlerinen ótken Korea Open halyqaralyq týrnıri aıaqtaldy. Qazaqstandyq sportshylar bul cporttyq básekede alty medal jeńip aldy.