Ońtústik Koreıadaǵy taekvondodan Gran-prı kezeńinde el quramasynan kimder synǵa túsedi

ASTANA. KAZINFORM — Ońtústik Koreıanyń Mýdjý qalasynda taekvondodan (WT) Gran-prı kezeńiniń ekinshi jarys kúni, 29 tamyzda qazaqstandyq 3 sportshy saıysqa túsedi. 

Bul kúni áıelder arasynda 67, erler 68 kelige deıingi salmaq dárejesinde jekpe-jekter ótedi. El namysyn Nazym Mahmýdova, Damır Shúlenov jáne Nurbek Gazez qorǵaıdy.

Jarys Astana ýaqytymen tańǵy 5:00–de bastalady. Qola júlde úshin jekpe-jekter men fınaldyq kezdesýler 13:00–ge josparlanǵan.

Aıta ketsek, el quramasynan Nodıra Ahmedova (49 keli) 3-oryn úshin úshin kezdesýde Chyong Thı Kım Týdi 2:0 esebimen jeńdi. Osylaısha qola júldeger atandy.

Oǵan deıin Nodıra jartylaı fınalda otandasymyz koreıalyq Ie Djı Lıge 0:2 esebimen ese jiberdi. Al shırek fınalda ol AQSh sportshysy Mata Maıadan 2:1 esebimen basym túsken edi.

Halyqaralyq básekede shırek fınalda Batyrhan Tóleýǵalı (80 keli), Abdýrohman Marıpov (80 keli) pen Nuraı Baýyrjanova (49 keli) jarysty erte aıaqtady.