Ońtústik Koreıadaǵy órtten 50-den astam adam zardap shekti
ASTANA.KAZINFORM - Juma kúni Ońtústik Koreıa ortalyǵyndaǵy Tedjon qalasynda avtobólshek zaýytynda órt shyqty.
Yonhap agenttiginiń habarlaýynsha, bılik 55 adamnyń jaraqat alǵanyn, taǵy 14 adamnyń iz-túzsiz joǵalyp ketkenin habarlady.
Órt bolǵan kezde zaýytta 170 jumysshy bolǵan.
Órt sóndirý úshin oqıǵa ornyna 200-den astam órt sóndirýshi men 90 dana tehnıka jiberildi, olarǵa orman sharýashylyǵy tikushaqtary kómektesti.
Órt sóndirý jumystary ǵımaratta 200 kılogramm natrııdiń bolýymen qıyndaı tústi, ol durys paıdalanylmasa jarylýy múmkin.
Bılik ǵımarattyń qurylymdyq turaqtylyǵyn qamtamasyz etý úshin qaýipsizdik tekserýin júrgizgennen keıin izdeý jumystaryn bastaýdy josparlap otyrǵanyn málimdedi.
Іshki ister jáne qaýipsizdik mınıstrligi apatqa neǵurlym úılesimdi jaýap berýdi jáne odan ári zalaldyń aldyn alý úshin ortalyq apatqa qarsy shtab qurýdy buıyrdy.
Ońtústik Koreıa prezıdenti Lı Chje Men bılikke zardap shekkenderdi qutqarý jáne órtti sóndirý úshin barlyq qoljetimdi resýrstardy jumyldyrýdy buıyrdy.
Buǵan deıin Astananyń sol jaǵalaýynda iri órttiń aldyn alynǵany habarlanǵan bolatyn.