Ońtústik Koreıadaǵy Kók úı qaıtadan prezıdent rezıdentsııasyna aınalady
ASTANA. KAZINFORM — Ońtústik Koreıa prezıdentteriniń rezıdentsııasy retinde tanymal Kók úı 1 tamyzdan bastap týrıster úshin jabyldy. Bul týraly The Korea Herald basylymy habarlady.
Rezıdentsııa úsh jyldan astam ýaqyt qoǵamdyq ekskýrsııa úshin qoljetimdi bolǵan edi. Alaıda prezıdent Lı Chje Men ákimshiliginiń qaıta qonystanýyna baılanysty Kók úı aýmaǵynda qaýipsizdik tekseristeri men nysandardy aldyn ala baǵalaý jumystary bastaldy.
Prezıdent ákimshiliginiń naqty qaı kúni kóshetini ázirge belgisiz. Degenmen Lı Chje Men komandasy Chhonvade kesheniniń keıbir bólikteri kelýshiler úshin ashyq kúıinde qalýy múmkin ekenin habarlady. Biraq olardyń qanshalyqty qoljetimdi bolatyny áli naqtylanbaǵan.
Aıta keteıik, Kók úı 70 jyldan astam ýaqyt boıy Ońtústik Koreıa prezıdentteriniń resmı rezıdentsııasy ári jumys keńsesi retinde qyzmet etip kelgen. 2022 jyldyń mamyr aıynda burynǵy prezıdent ıÝn Sok El rezıdentsııany bosatyp, prezıdenttik keńseni Seýldiń ortalyǵyndaǵy Ensan aýdanyna kóshirgennen keıin, nysan halyqqa ashyq bolǵan.
2025 jylǵy 3 maýsymda Ońtústik Koreıada prezıdenttik saılaý ótti. Bul saılaý bastapqyda 2027 jylǵa josparlanǵan bolatyn, alaıda burynǵy prezıdent ıÝn Sok Elge qatysty ımpıchment protsedýrasy bastalyp, 4 sáýirde Konstıtýtsııalyq sot onyń otstavkasyn resmı túrde bekitti. Sodan keıin maýsym aıynda Lı Chje Men prezıdent qyzmetine resmı kiristi.