Ońtústik Koreıadaǵy Qazaqstan azamatynyń joǵalýy: órtten keıingi saraptama jumystary aıaqtalǵan joq
ASTANA. KAZINFORM — QR Syrtqy ister mınıstrliginiń resmı ókili Erlan Jetibaev Ońtústik Koreıadaǵy órt kezinde joǵalyp ketýi múmkin Qazaqstan azamatyna qatysty túsinik berdi.
— Órtten keıin adam múrdesi tabyldy. Bul rette onyń súıegi saraptamaǵa jiberildi, — dedi Erlan Jetibaev mınıstrliktegi baspasóz máslıhatynda.
Onyń aıtýynsha, saraptama qorytyndysy Ońtústik Koreıadaǵy dıplomattarǵa áli de berilmegen.
— Koreıa jaǵynan aqparat kelgen kezde, tıisti aqparatty habarlaımyz, — dedi resmı ókil.
Aıta keteıik, bıyl qańtar aıynyń sońynda Ońtústik Koreıadaǵy zaýyttardyń birinde órt bolyp, eki sheteldik joǵalyp ketkeni málim boldy. Osy oraıda buqaralyq aqparat quraldarynda eki adamnyń biri Qazaqstan azamaty bolýy múmkin ekenin habarlandy.
Aıta ketelik el azamattarynyń Ońtústik Koreıadan erikti túrde shyǵý baǵdarlamasy qashanǵa deıin jalǵasatyny týraly jazǵan edik.
