Ońtústik Koreıadaǵy 5 zaýyt 76 myńǵa jýyq kóligin keri qaıtaryp alady
ASTANA. KAZINFORM — Ońtústik Koreıadaǵy bes otandyq jáne sheteldik avtokólik óndirýshi 76 myńǵa jýyq kólikti óndiristik aqaýlarǵa baılanysty óz erkimen keri qaıtarady.
Bul týraly sársenbide eldiń Kólik mınıstrligi málimdedi, dep jazdy Sınhýa aqparat agenttigi.
Jer, ınfraqurylym jáne kólik mınıstrliginiń málimetinshe, Kia qaýipsizdik jastyqshasy júıelerindegi aqaýlarǵa baılanysty eki modeldegi 35 571 kólikti, sonyń ishinde Niro elektr kóligin keri qaıtaryp alady.
BMW Koreıa 28 modeldegi 24 371 kólikti, sonyń ishinde 528i sedanyn salqyndatý sorǵysynyń qosqyshyndaǵy órtke ákelýi múmkin aqaýǵa baılanysty keri qaıtarady.
Transformator men gıbrıdti basqarý júıesindegi baǵdarlamalyq aqaýlar eki úlgidegi 8 056 kólikti, sonyń ishinde Renault Korea Motors kompanııasynyń Arkana gıbrıdti sporttyq jol talǵamaıtyn kóliginiń keri qaıtarylýyna ákeldi.
Tesla Korea Model Y kóliginiń 7781-inde rýldik basqarýdyń elektrlik kúsheıtkish júıesinde baǵdarlamalyq qatelerdi túzetedi.
Jaguar Land Rover Korea sensorlyq ekrandy baǵdarlamalyq qamtamasyz etý máselelerine baılanysty tórt úlgidegi 603 kólikti, sonyń ishinde Defender 110 P300 jol talǵamaıtyn kólikti jóndeý boıynsha sharalar qabyldaıdy.
Kólik ıeleri aqaýly bólshekterdi aýystyrý úshin jóndeý jáne qyzmet kórsetý ortalyqtaryna tegin bara alady.
Osyǵan deıin Ońtústik Koreıa «Temir kúmbez» analogyn ázirlep jatqany aıtyldy.