Ońtústik Koreıada joıǵysh ushaqtar soqtyǵysty

ASTANA. KAZINFORM – Ońtústik Koreıa bıligi 2021 jyly eki joıǵysh ushaqtyń áýede soqtyǵysýyna ushqyshtardyń sýretke jáne beınege túsirýi sebep bolǵanyn anyqtady, dep habarlaıdy VVS. 

Ońtústik Koreıada joıǵysh ushaqtar ushqyshtyń beıne túsirýi saldarynan soqtyǵysty. Oqıǵa joıǵysh ushaqtar Tegý qalasynyń ortalyǵynda ushý tapsyrmasyn oryndap jatqan kezde boldy.

Bazaǵa oralyp kele jatqanda, jetekshi ushý apparatynyń ushqyshy jeke uıaly telefonyna sýretke túsire bastady. Muny baıqaǵan jetekshi ushaq komandıri qasynda otyrǵan ushqyshtan kórshiles ushaqty túsirip alýyn surady.

Bir kezde jetekshi ushý apparatynyń ushqyshy kenetten joǵarylap, kadrǵa túskisi kelip kirýge tyrysyp, ushaqty aýdardy. Bul manevr qaýip týdyrdy. Jetekshi ushaq soqtyǵysýdy boldyrmaý úshin kúrt tómendeı bastady. Alaıda bul áreketi sátsiz aıaqtaldy – F-15K joıǵysh ushaqtary soqtyǵysty.

Ushqyshtar aman qaldy, biraq soqtyǵysý ushaqtardy zaqymdady. Bul áskerılerge 880 mln von (596 myń AQSh dollary) shyǵyn ákeldi. Ushqyshtardyń biri áskerı qyzmetten ketip, kommertsııalyq áýe kompanııasyna jumysqa ornalasty. Bastapqyda odan zalaldy tolyq óteý talap etildi. Biraq aýdıt komıtetiniń tekserisinen keıin ótemaqy somasy on ese azaıtyldy.

Komıssııanyń sheshimimen ushý kezinde jeke qurylǵylardy paıdalanýdy retteıtin naqty erejeler bolmaǵandyqtan kinániń bir bóligin ÁÁK qolbasshylyǵyna taǵyldy.

Osyǵan deıin Ońtústik Koreıa joıǵysh ushaqtardy jappaı óndire bastaǵanyn jazdyq.