Ońtústik Koreıada jastardyń nekege turýyna aqsha jetpeı júr

ASTANA. KAZINFORM — Ońtústik Koreıada qarjy tapshylyǵy nekege turýǵa kedergi bolyp otyr. Bul týraly Yonhap jazdy.

Ońtústik Koreıada jastardyń nekege turýyna aqsha jetpeı júr
Foto: The Korea Times

Ońtústik Koreıa turǵyndarynyń onnan jetisi resmı nekege turmaı-aq birge turýǵa bolady dep esepteıdi. Mundaı málimetterdi eldiń Derekter jáne statıstıka mınıstrligi júrgizgen saýalnama kórsetti. 

Zertteý nátıjesine qaraǵanda, respondentterdiń 67,8 paıyzy osyndaı pikirdi qoldaıdy. Al 20-30 jastaǵy jastar arasynda nekeni tirkemeı birge turýdy quptaıtyndar 80 paıyzdan asady.

Keıingi jyldary dástúrli otbasy úlgisine degen kózqaras aıtarlyqtaı ózgergen. Máselen, 2012 jyly saýalnamaǵa qatysqandardyń nebári 45,9 paıyzy nekege turmaı birge turýdy qalypty jaǵdaı dep eseptegen.

Sonymen qatar el turǵyndarynyń 38,1 paıyzy nekesiz bala súıýge de qarsy emes. Al nekege turýdy mindetti dep esepteıtinderdiń úlesi 55 paıyzǵa jetken.

Respondentter nekege turmaýdyń basty sebebi retinde qarjy tapshylyǵyn ataǵan.

Eske salaıyq, buǵan deıin Ózbekstan keıingi 35 jylda tirkelgen nekeler sany týraly derekterdi jarııalaǵanyn, oǵan sáıkes nekege turý kórsetkishi 2021 jyldan beri qysqaryp kele jatqanyn jazǵanbyz.