Ońtústik Koreıada ustalǵan qazaqstandyqqa birneshe aıyp taǵyldy
ASTANA. KAZINFORM — Ońtústik Koreıanyń Ichhon qalasynda Qazaqstan azamaty ustaldy.
Jergilikti polıtsııa oǵan bótenniń múlkine zııan keltirý, kólik quralyn paıdalaný qaǵıdalaryn jáne kóshi-qon talaptaryn buzý boıynsha aıyptar taǵyp otyr.
— Qazaqstan dıplomattary ustalǵan azamatqa konsýldyq-quqyqtyq qoldaý kórsetip, jaǵdaıdy baqylaýǵa aldy, — dedi elimizdiń Syrtqy ister mınıstrliginen.
Aıta keteıik, bıyl tamyzda Qazaqstan Ońtústik Koreıanyń Employment Permit System (EPS) — sheteldik jumys kúshin tartýǵa arnalǵan ruqsat berý júıesine qatysýshy elderdiń qataryna resmı túrde engizildi.
Employment Permit System (EPS) — Koreıa Respýblıkasynyń sheteldik jumys kúshin rettelgen tártippen tartýǵa arnalǵan memlekettik júıesi. Osy júıe aıasynda shetel azamattary Koreıa Respýblıkasynyń zańnamasynda jáne memleketaralyq rásimderde belgilengen talaptarǵa sáıkes jumysqa ornalasa alady.
