Ońtústik Koreıada ushaq shassı aqaýyna baılanysty áýejaıǵa oraldy

ASTANA. KAZINFORM — Buǵan deıin shassıdegi dál osyndaı aqaý osy úlgidegi taǵy bir ushaqtyń apatqa ushyraýyna ákelgen, dep habarlaıdy agenttik Yonhap aqparat agenttigine silteme jasap.

30 jeltoqsanda jergilikti ýaqyt boıynsha saǵat 06:37–de Kımpho halyqaralyq áýejaıynan (Gimpo) Chedjý qalasyna baǵyt alǵan Jeju Air ushaǵy aspanǵa kóterildi. Kóp uzamaı shassıde aqaý bary baıqalǵan. Áýe kompanııasy birden jolaýshylarǵa aqaý týraly habarlap, ushaq 07:25–te Kımpho áýejaıyna qaıta qonýǵa májbúr boldy.

Jolaýshylar dál osyndaı úlgidegi basqa Boeing B737-800 ushaǵyna otyrǵyzyldy. Alaıda 21 jolaýshy qaýipsizdikke baılanysty bortqa minbeımiz dep sheshimin qabyldaǵan.  

Jeju Air aqparatynsha, ushqysh shassı aqaýyn anyqtaǵannan keıin basqarý ortalyǵyna habarlasqan.

Habarlanǵandaı, qosymsha tekserýlerden keıin shassıdiń durys jumys istep turǵany rastaldy, biraq kapıtan tekserý úshin áýejaıǵa oralýdy uıǵardy.

Eske sala ketsek, buǵan deıin Mýan halyqaralyq áýejaıynda Jeju Air ushaǵy apatqa ushyrap, 177 adam qaza tapty. 

Jeju Air ushaǵy jeksenbi kúni tańerteń ushý-qoný jolaǵynan shyǵyp ketip, Mýan halyqaralyq áýejaıyna shuǵyl qonýǵa árekettendi. Ushaq qorshaýǵa soǵylyp, aıtarlyqtaı shyǵyn keltirip, keıin órt shyǵyp, sóndirildi.