Ońtústik Koreıada týý kórsetkishi sońǵy jeti jyldaǵy eń joǵary deńgeıge jetti
ASTANA. KAZINFORM — Ońtústik Koreıada 2024 jyldyń naýryz aıynda týý kórsetkishi sońǵy jeti jyldaǵy eń joǵary deńgeıge kóterildi. Bul ósim neke sanynyń artýymen baılanystyrylyp otyr.
Naýryz aıynda elde barlyǵy 25 200 bala dúnıege kelgen. Bul 2019 jyldyń naýryzynan bergi eń joǵary kórsetkish (sol kezde 27 049 bala týǵan).
2024 jyldyń qańtar–naýryz aralyǵynda jalpy 75 013 sábı dúnıege kelgen, bul ótken jyldyń sáıkes kezeńimen salystyrǵanda 14,8% joǵary. Bul da 2019 jyldan bergi birinshi toqsandaǵy eń jaqsy nátıje.
Elde 2024 jyldyń shildesinen bastap jańa týǵan balalar sanynyń birtindep artý úrdisi baıqalyp otyr.
Soǵan qaramastan, týý deńgeıi áli de áıel basyna shaqqanda 2,1 baladan tómen, ıaǵnı halyq sanyn tabıǵı túrde turaqty ustap turýǵa jetkiliksiz.
Úkimet týý deńgeıin kóterý úshin túrli sharalar qabyldap jatyr. Olardyń qatarynda qarjylaı qoldaý, balalarǵa kútim qyzmetterin keńeıtý jáne kópbalaly otbasylarǵa qosymsha jeńildikter berý bar.
Buǵan deıin Ońtústik Koreıa prezıdenti týý kórsetkishin arttyrý úshin jumys ýaqytyn qysqartý ıdeıasyn usynǵan bolatyn.
Aıta keteıik, elde neke sany da sońǵy jeti jyldaǵy eń joǵary deńgeıge jetken.
