Ońtústik Koreıada týý kórsetkishi 26 aıdan beri turaqty ósip keledi
ASTANA. KAZINFORM — Ońtústik Koreıada tamyz aıynda týǵan náresteler sany byltyrǵy osy aımen salystyrǵanda 13 paıyz kóbeıdi. Elde týý kórsetkishi 26 aı qatarynan ósip keledi, dep habarlaıdy Yonhap agenttigi.
2024 jyldyń shildesinen beri elde týý kórsetkishi ósip keledi.
Ońtústik Koreıanyń Statıstıka mınıstrliginiń málimetinshe, tamyz aıynda elde 23 703 sábı dúnıege kelgen. Bul ótken jylǵy 20 983 sábımen salystyrǵanda kóp. Tamyz aıyndaǵy týý kórsetkishi 2019 jyldan beri alǵash ret 24 myńǵa jýyqtady.
Tamyz aıynda Ońtústik Koreıada bir áıelge shaqqandaǵy bala sany ótken jyldyń sáıkes kezeńimen salystyrǵanda 0,09-ǵa artyp, 0,87-ge jetti. Degenmen halyq sanyn kóshi-qonsyz turaqty ustap turý úshin bul kórsetkish 2,1 bolýy kerek.
2026 jyldyń qańtar-tamyz aılarynda 193 783 sábı dúnıege keldi. Bul – ótken jyldyń osy kezeńimen salystyrǵanda 14,5 paıyz kóp ári 2019 jyldan bergi eń joǵary kórsetkish.
Týý kórsetkishiniń ósýine úılengendiń artýy, 30-39 jas aralyǵyndaǵy turǵyndar sanynyń kóbeıýi jáne bala súıýge degen oń kózqarastyń qalyptasýy áser etken.
Buǵan deıin Ońtústik Koreıada týý kórsetkishi sońǵy jeti jyldaǵy eń joǵary deńgeıge jetkeni habarlanǵan bolatyn.
