Ońtústik Koreıada sý tasqynynan qaza tapqandar sany 18 adamǵa jetti
ASTANA. KAZINFORM – Ońtústik Koreıada ótken aptada bastalǵan tolassyz jaýyn men kóshkin saldarynan sońǵy málimet boıynsha 18 adam qaza taýyp, taǵy 9 adam iz-túzsiz joǵalyp ketken, dep habarlaıdy Yonhap aqparat agenttigi.
Ońtústik Koreıanyń ishki ister mınıstrliginiń málimetinshe, jeksenbi kúni keshki saǵat 21:00-degi jaǵdaı boıynsha ońtústiktegi Sanchhon ýezinde 10 adam, soltústiktegi Kaphen ýezinde eki adam jáne batystaǵy Sosan qalasynda eki adam qaza boldy.
Nóser jaýyn bastalǵan sársenbiden beri 14 myńnan astam adam 15 iri qala men provıntsııadaǵy baspanalardy panalady.
Materıaldyq shyǵyn qomaqty boldy: jeksenbi kúni keshke memlekettik ınfraqurylymǵa 1999, jeke menshikke 2238 zaqym kelý deregi tirkeldi.
Buǵan deıin Ońtústik Koreıada úsh kún qatarynan jaýǵan nóser jaýyn saldarynan 4 adam mert bolǵanyn jazǵan bolatynbyz.